今晚, 同老婆去左睇無敵破壞王.
無錯, 係卡通片.
本來諗住睇孤星淚, 但因為唔想喊住走咁HEAVY, 所以最後選擇睇卡通片.
頂! 估唔到卡通片都竟然令我眼濕濕左幾次!
其中一幕, 講破壞王打爛左細路女架車, 細路女果種難以置信, 崩潰, 絕望嘅神態令人催淚!
果種絕望, 就如一個內急到爆嘅人, 捱埋最後一啖氣終於奔跑到廁所, 才赫然看到門前掛著'停止使用'既牌堪相比擬!
另外, 細路女備受全國的欺負, 己弱人強, 依然不屈地努力嘗試改變自己的命運, 也使人唏噓不已!
她的遭遇好像近日印度一位不幸的女孩子一樣, 備受罪犯, 警方, 以及全國的欺負, 努力不果, 最後以自殺哭訴世道的不公!
還有就是破壞王與細路女純真的情, 你對我好, 我便對你好.
他倆都是口硬不說, 仲經常互窒, 但心中都關心對方, 也懷著一顆感恩的心.
情形就像我和老婆一樣, 她曾對我說:
'你第日老咗癱左的話, 你乖我就照顧你啦!
你曳嘅話, 我非但唔幫你倒屎, 仲要質你食!'
我倆又常互串不休, 佢話我係弱智, 我就話番佢係木咀!
但是, 雖然如此,
弱智永遠愛木咀, 反之亦然!
喊左3次, 但幸好在旁的老婆都不知.
因為套戲是3D, 我帶左3D眼鏡, 不知不覺!
但是, 出了戲院, 老婆見到我眼紅紅, 又開始猛話我弱智......
我頂!
Search